159
O‘zbekistonda mashinadan chiqindi tashlash uchun jazolarni kuchaytirish rejalashtirilmoqda, deb Kursiv MinEkologiya ma’lumotlariga tayanib xabar berdi. Bu chora 2030-yilgacha aholining ekologik madaniyatini oshirish konsepsiyasida nazarda tutilgan.
Hozirda fuqarolar uchun chiqindi tashlash jarimasi 3 bazaviy hisoblash miqdorigacha (BHM) — taxminan 1,1 million so‘mni tashkil etadi. Yuridik shaxslar uchun esa bu 5 BHMgacha — 1,8 million so‘m.
Yangi taklifga ko‘ra, ilk marta qoidabuzarlik uchun jarima 5 BHMgacha oshiriladi, takroran buzilish holatida esa 10 BHMgacha yetkaziladi.
MinEkologiyaga ko‘ra, 2024-yilda Toshkentda 638,8 mingdan ortiq avtomobil ro‘yxatga olingan, va har kuni shaharga 300 minggacha mashina kiradi.
«Tasavvur qiling: har o‘nta mashinaning bittasidan chiqindi tashlansa, Toshkent ko‘chalarida bir kunda 15–30 mingta chiqindi yig‘iladi», — deyiladi vazirlik bayonotida. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
