15 990
2025 yilda muqaddas Qurban Hayit bayramining birinchi kuni 6 iyunga to‘g‘ri keladi, deb UPL.uz xabar berdi. Bu sana O‘zbekiston musulmonlari idorasi fatvolar markazi tomonidan Islom taqvimiga asosan ma’lum qilindi. Zul-hijja oyi 28 may, chorshanba kuni boshlanganligi sababli, Arafot kuni 5 iyun, Qurban hayitining birinchi kuni esa 6 iyun deb belgilandi.
Bu sana xalqaro manbalar tomonidan ham tasdiqlandi. Jumladan, 27 may kuni Saudiya Arabistoni Oliy sudi Qurban hayiti 6 iyun, juma kuni nishonlanishini ma’lum qilgan. Oradan bir kun o‘tib Qozog‘iston musulmonlar idorasi ham shunday bayonot berdi.
O‘zbekiston Bandlik va kambag‘allikni qisqartirish vazirligi 2025 yil uchun ish vaqti me’yorlarining yangilangan taqvimini e’lon qildi. Ushbu taqvim Prezidentning 2025 yil 26 martdagi PQ-124-son qaroriga muvofiq tayyorlangan. Hujjatda Qurban hayiti birinchi kuni 6 iyun, juma kuniga to‘g‘ri kelishi ko‘rsatilgan.
Mehnat kodeksining 208-moddasiga ko‘ra, Qurban hayitining birinchi kuni bayram sifatida dam olish kuni hisoblanadi. Shunday qilib, besh kunlik ish haftasi bo‘lgan fuqarolar 6 iyundan 8 iyungacha (juma—yakshanba) 3 kunlik ta’tilga chiqishadi. Olti kunlik ish rejimida ishlovchilar esa 6 va 8 iyunda dam olishadi. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
