AQSh Oʻzbekistondagi suv resurslarini oʻrganadi

AQSh Geologik xizmati O'zbekistonda suv resurslarini o'rganish bo'yicha loyihalarni amalga oshirish uchun pudratchilarni jalb qilishni rejalashtirmoqda, deb NOVA24.uz xabar berdi.

Ushbu tashabbus doirasida Qashqadaryo daryosining suv rejimi va mavsumiy dinamikasi, shuningdek, yer yuzasidagi suvlar va qor qatlamining tahlili rejalashtirilgan. Loyiha asosiy maqsadi — O'zbekiston hukumatining suv resurslarini baholash sohasidagi ilmiy va texnik salohiyatini oshirishdir.

Quyidagi yo'nalishlarda ish olib boriladi:
. Qashqadaryo daryosining suv manbalari va mavsumiy o'zgarishlar o'rganiladi.
. Yer yuzasi suvlari va qor qatlami tahlil qilinadi, sel va toshqin xavfi baholanadi.
. O'zbekistondagi olimlar, muhandislar va talabalar AQSh Geologik xizmati faoliyati bilan tanishadi va tajriba almashadilar.

Loyihalarning 2026 yil may oyi oxirigacha yakunlanishi rejalashtirilgan.