Yangi 2025/2026-o‘quv yili boshlanishi arafasida mamlakat maktablarida ta’lim sohasida yangi texnologiyalar joriy etilmoqda. «Xavfsiz maktab» loyihasi doirasida barcha umumta’lim maktablariga zamonaviy biometrik kuzatuv tizimlari o‘rnatiladi. Bu yangilik maktabda bolalar xavfsizligini ta’minlash, darsga qatnashuvni nazorat qilish va ota-onalarga tezkor ma’lumot yetkazishni maqsad qiladi.
Yangi tizim nima bilan farq qiladi?
- Har bir o‘quvchi maktabga kirishda yuzi orqali avtomatik tarzda ro‘yxatdan o‘tadi. Bunda maxsus kameralar yordamida bolaning maktabga kelgan-kelmagani aniqlanadi;
- Agar bola maktabka umuman kelmasa, bu haqda ota-onaning telefoniga avtomatik SMS xabar yuboriladi;
- Maktablardagi kuzatuv kameralari kechikib kelishlar, intizom buzilishlari yoki boshqa favqulodda vaziyatlarni ham tasvirga oladi.
Mazkur chora-tadbirlar nafaqat bolalarning xavfsizligini kuchaytirish, balki ularning darsga muntazam qatnashishini ta’minlash va ota-onalar bilan maktab o‘rtasidagi hamkorlikni yanada mustahkamlash uchun muhim ahamiyat kasb etadi.
Mutasaddilarning ta’kidlashicha, bu tizim bosqichma-bosqich joriy etiladi va o‘quv yili boshlanguncha barcha maktablarda to‘liq ishga tushiriladi. Bu orqali har bir o‘quvchining maktabdagi ishtiroki real vaqtda nazorat qilinadi.
Qisqasi, sentyabrdan boshlab maktablar nafaqat bilim ulashish maskani, balki yuqori darajada nazorat qilinuvchi va xavfsiz makonga aylanadi. Ota-onalar esa farzandlarining qaysi vaqtda maktabga kelgani yoki kelmagani haqida doimiy xabardor bo‘lib borish imkoniyatiga ega bo‘lishadi. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
