Yil yakunigacha 16 ta yashil stansiya ishga tushadi

Shavkat Mirziyoyev 23-iyun kuni sanoat korxonalarini «yashil» energiya bilan ta’minlash choralari bo‘yicha taqdimot bilan tanishdi, deb uz.kursiv.media xabar berdi.

Qisqa muddat ichida sohaga 6 milliard dollarlik xorijiy investitsiyalar jalb qilinib, elektr ishlab chiqarish hajmi 82 milliard kilovatt-soatga yetkazildi.

Yil oxirigacha 12 ta quyosh va 4 ta shamol elektr stansiyasi, shuningdek, 12 ta energiya saqlash tizimi ishga tushiriladi. Umumiy investitsiya hajmi 5 milliard dollardan oshadi. Shuningdek, 7,2 milliard dollarlik 11 ta yangi loyiha qurilishi boshlanadi.

Yirik nasos tizimlariga quyosh panellari va saqlash tizimlari o‘rnatilib, suv nasoslarining energiya sarfi 6,5 milliarddan 4,5 milliard kilovatt-soatga kamaytiriladi. Ishlar Qarshi magistral kanalidan boshlanadi.

Neft-gaz sohasida esa 240 megavattli quyosh va 300 megavattli saqlash tizimlari quriladi. Bu yiliga kamida 600 million kilovatt-soat energiya ishlab chiqaradi.

Yig‘ilishda 18 ta yirik tarmoqni mustaqil energiya tizimiga o‘tkazish va ijtimoiy muassasalarda quyosh energiyasidan foydalanish masalalari muhokama qilindi. “Zamin”ni Telegramʻda oʻqing!