O‘zbekiston–Malayziya biznes forumi o‘tkazildi

Bugun O‘zbekiston va Malayziya o‘rtasidagi savdo-iqtisodiy hamkorlikni mustahkamlashga qaratilgan O‘zbekiston–Malayziya biznes forumi bo‘lib o‘tdi, deb Qurilish va uy-joy kommunal xo‘jaligi vazirligi xabar berdi.

Tadbirda vazir o‘rinbosari Ozoda Jo‘rayeva hamda ikki davlat ishbilarmon doiralari vakillari ishtirok etdi. Forumda ijtimoiy-iqtisodiy aloqalarning istiqbollari, ochiq va investorlarga qulay muhit, yaratilayotgan shart-sharoitlar haqida ma’lumot berildi.

Tomonlar energetika, savdo, sanoat, infratuzilma va xizmatlar sohalarida hamkorlikni kengaytirish bo‘yicha fikr almashishdi.

Forum nafaqat rasmiy taqdimotlar, balki O‘zbekiston va Malayziya tadbirkorlari o‘rtasidagi B2B uchrashuvlar maydoniga aylandi. Unda hamkorlik aloqalarini mustahkamlashga qaratilgan yangi g‘oyalar va takliflar muhokama qilindi.