O‘zbekiston IT eksporti 5 yilda 1 mlrd dollarga yetdi

So‘nggi besh yil ichida O‘zbekistonning IT xizmatlari eksporti 170 million dollardan 1 milliard dollargacha oshdi, deb Kursiv Media xabar berdi.

Prezident Shavkat Mirziyoyevga raqamli texnologiyalar rivojiga bag‘ishlangan taqdimotda ma’lum qilinishicha, mamlakat startaplari 70 million dollarlik venchur investitsiyalarni jalb qilgan. Shuningdek, IT sohasida ishlayotgan 40 ming nafar yosh yuqori maosh olayotgani ta’kidlangan.

IT Park rezidentlari soni 2,8 ming nafardan oshdi, ulardan 752 nafari xorijliklardir.

Prezentatsiyada ta’kidlanishicha, mamlakat sun’iy intellektga tayyorgarlik bo‘yicha xalqaro indeksda 17 pog‘onaga yuqorilab, Markaziy Osiyoda birinchi o‘rinni egallagan. Shuningdek, O‘zbekiston telekommunikatsiya sohasi o‘sish sur’ati bo‘yicha MDH davlatlari orasida yetakchiga aylangan.

Mirziyoyevga 2026 yilgacha sohani rivojlantirish rejalari ham taqdim etildi. Davlat xizmatlarini raqamlashtirish darajasi 70 foizga yetkazilishi, IT xizmatlar bozori hajmi 100 trln so‘mgacha oshirilishi kutilmoqda. Kelasi yili mamlakat elektron hukumat indeksida 63-o‘rindan 55-o‘ringa ko‘tarilishi mo‘ljallanmoqda.

Prezentatsiyada, shuningdek, O‘zbekistonda ishlash uchun relokantlarga yaratilgan imtiyozlar, hududlarda xorijiy kompaniyalar uchun qulay sharoitlar yaratish muhimligi qayd etildi. “Zamin”ni Telegramʻda oʻqing!