O‘zbekiston $325 mln dollarlik avtomobil import qildi

2025-yilning yanvar–may oylarida O‘zbekistonga 18 387 dona yengil avtomobil olib kirildi, deb Statistika agentligi ma’lum qildi. Umumiy qiymati 325,3 million dollarni (taxminan 4,3 trillion so‘m) tashkil etdi.

Shulardan 9,7 mingtasi — elektromobillar.

Avtomobillar qaysi davlatlardan keltirilgan?
• Xitoy — 15 800 dona
• Janubiy Koreya — 1 800 dona
• Hindiston — 168 dona
• Yaponiya — 122 dona
• AQSh — 82 dona
• Boshqa davlatlardan — 260 dona

Ushbu ko‘rsatkichlarga ko‘ra, Xitoy O‘zbekistonga eng ko‘p avtomobil, ayniqsa elektromobil yetkazib berishda yetakchi o‘rinni egallab kelmoqda.

Mamlakatda elektromashinalarga bo‘lgan qiziqish ortib borayotgani sezilmoqda.