O‘zbekiston Prezidenti Shavkat Mirziyoyev yo‘llardagi xavfsizlik masalalariga bag‘ishlangan yig‘ilishda aholiga noqulaylik tug‘dirayotgan holatlar, xususan, amaldorlarning noto‘g‘ri joyda to‘xtash holatlarini videokameralar orqali qayd etishni topshirdi, deb Kursiv media xabar berdi.
Prezidentning ta’kidlashicha, aynan davlat idoralari binolari oldida xizmat mashinalari yo‘lni to‘sib qo‘yadi, amaldorlar mashinalari esa ikki-uch qatordan iborat holda to‘xtab qoladi.
Prezident topshirig‘i bilan 15 ming haydovchi ishtirokida so‘rovnoma o‘tkazildi. Unda Toshkent va boshqa yirik shaharlarda qonuniy avtoturargohlar yetishmasligi aniqlangan. Haydovchilar yo‘l chetida to‘xtashga majbur bo‘lmoqda.
“Umuman olganda, oddiy haydovchilarning muammosini eshitadigan hech kim yo‘q, muloqot platformasi mavjud emas”, – dedi Mirziyoyev.
Prezident, shuningdek, barcha tashkilotlar va mahallalarda asossiz o‘rnatilgan taqiqlovchi belgilarni olib tashlashni buyurdi.
Hukumat qarori bilan belgilanganlaridan tashqari, vazirlik va idoralarning xizmat mashinalari yo‘llarda ustunlikka ega bo‘lmaydi. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
