O‘zbekistonda “Ijara to‘g‘risida”gi yangi qonun loyihasi tayyorlanmoqda, deb Kursiv xabar berdi.
Bu haqda Prezident Shavkat Mirziyoyev tadbirkorlar bilan muloqot chog‘ida ma’lum qildi. Uning so‘zlariga ko‘ra, 1991 yildan beri amal qilayotgan qonun asosan davlat organlari manfaatini himoya qilib kelgan.
Yangi tahrirdagi qonun ijara beruvchi va ijara oluvchiga teng huquqlar kafolatlaydi. Shuningdek, 2026-yildan boshlab davlat aktivlari 5 yillik muddatga ijaraga beriladi.
Ijara shartnomasi ijara oluvchining tashabbusi bilan yoki shartlar bajarilmaganda bekor qilinadi.
Joriy yilda 16 tumanni tezkor rivojlantirish uchun 1,1 trln so‘m ajratilgan. Shundan $250 mln mablag‘ni Jahon banki taqdim etgan. Kelasi yilda 30 tumanni qamrab oladigan loyihalarga $500 mln yo‘naltiriladi.
“Zamin”ni Telegramʻda oʻqing!
