Tadbirkorlar 4 xil soliq bo‘yicha hisobotdan ozod etiladi

2026-yildan boshlab tadbirkorlar yer, mulk, ijtimoiy va daromad soliqlari bo‘yicha hisobot topshirishdan ozod etiladi, deb Kursiv xabar berdi.

Bu haqda Prezident Shavkat Mirziyoyev mamlakat tadbirkorlari bilan uchrashuvda ma’lum qildi. Endi bu hujjatlarni bepul tarzda soliq organlari tayyorlaydi.

Tadbirkorlar esa 5 kun davomida hisobotlarga o‘zgartirish kiritish huquqiga ega bo‘ladi.

Shuningdek, Prezident Soliq qo‘mitasiga 1-noyabrdan yagona jarima tizimini joriy etishni topshirdi. Bu tizim jarimalar soni yoki to‘lanmaganligi bilan bog‘liq bo‘lgan murakkabliklardan xoli bo‘ladi.

Kichik biznes uchun jarimalar miqdori uch barobargacha kamaytiriladi.