O‘zbekistonda birinchi Zoomlion traktorlar ishlab chiqarildi

O‘zbekistonda Zoomlion traktorlarini ishlab chiqarish yo‘lga qo‘yildi, deb Kursiv.media xabar berdi. Avgust oyida Zoomlion RS 1604 modeli yig‘ilib chiqarildi. Yil oxirigacha yana ikki model — Zoomlion RC 804 (80 ot kuch) va Zoomlion RG 2004 (200 ot kuch) ishlab chiqarilishi rejalashtirilgan.

Barcha modellarning samaradorligi mamlakat hududlarida sinovdan o‘tkazildi va yuqori natija ko‘rsatdi. Qishloq xo‘jaligi texnikasi ishlab chiqarish bo‘yicha kelishuv Xitoyning Zoomlion Agriculture Machinery Co., Ltd. va mahalliy Oxus Machinery Group o‘rtasida imzolangan.

Traktorlar Profmetservice korxonasida yig‘ilmoqda. Zoomlion — qurilish, qishloq xo‘jaligi, yuk ko‘tarish, sanitariya va yong‘in texnikasi hamda yuk mashinalari ishlab chiqaruvchi yirik xitoy kompaniyasi.