Markaziy bank ma’lumotlariga ko‘ra, 2025 yilning ikkinchi choragida O‘zbekistonda bo‘sh ish o‘rinlari soni oshgan, ish izlovchilar faolligi esa kamaygan, deb Kursiv xabar berdi.
Ish qidirish xizmatlari ma’lumotlariga asoslanib, vakansiyalar soni oldingi chorakka nisbatan 28,7% ga oshgan. Eng ko‘p talab savdo, umumiy ovqatlanish va ishlab chiqarish sohalarida kuzatilgan.
MB ta’kidlashicha, aprel–iyun oylaridagi o‘sishga mavsumiy omillar ham ta’sir ko‘rsatgan. Biroq so‘nggi ikki yilga nisbatan online ish qidirish faolligi pasaygan.
Bundan tashqari, ish beruvchilar talab qilayotgan malakaga ega mutaxassislar yetarli emas. Ko‘plab rezyumelar belgilangan mezonlarga mos kelmaydi.
Markaziy bankga ko‘ra, 2025 yilning aprel–iyun oylarida yaqin 3 oyda ishchilar sonini oshirishga tayyor korxonalar ulushi 30,2% gacha kamaygan.
“Zamin”ni Telegramʻda oʻqing!
