Markaziy bankning “Mehnat bozori sharhi”ga ko‘ra, so‘nggi choraklarda O‘zbekistonda real ish haqining o‘sishi Markaziy Osiyo va Kavkaz davlatlariga nisbatan past darajada shakllanmoqda, deb Uz24 xabar berdi.
Asosiy ma’lumotlar:
– 2025-yilning yanvar–mart oylarida Markaziy Osiyo davlatlarida real ish haqi o‘rtacha 9,8% ga, Kavkaz davlatlari bilan birga olganda esa 9,1% ga oshgan.
– Sharhda ta’kidlanishicha, agar bu tafovut uzoq muddat saqlansa, O‘zbekiston mehnat bozori ishtirokchilarining xarid qobiliyati pasayib, talab susayadi.
– 2025-yil II choragida O‘zbekistonda eng kam ish haqi 91 AQSh dollariga teng bo‘lgan. Taqqoslash uchun: Belarusda — 243, Ozarbayjonda — 235, Mongoliyada — 222 dollar.
Shuningdek, O‘zbekistonda yillik minimal ish haqining aholi jon boshiga YAIMga nisbati 35% ni tashkil qilgan. Bu daromadlar taqsimotidagi tenglik darajasini ko‘rsatadi.
Mintaqadagi ayrim davlatlarda — Qozog‘iston, Qirg‘iziston, Gruziyada bu ko‘rsatkich past, boshqa mamlakatlarda esa yaqin darajada shakllangan.
“Zamin”ni Telegramʻda oʻqing!
