Toshkentning to‘rt tumanida gaz vaqtincha uziladi

25 avgust, dushanba kuni, Toshkentning ayrim tumanlarida ta’mirlash ishlari sababli gaz vaqtincha o‘chiriladi, deb Kursiv.media xabar berdi.

Chilonzor tumanida soat 10:00 dan 20:00 gacha “Al-Xorazmiy”, “Bahoriston”, “Guliston” va “Bek topi” mahallalarida gaz bo‘lmaydi. Bu hududda 220 ta xususiy uy, 80 ta ko‘p qavatli bino va 40 ta yirik iste’molchi gazsiz qoladi.

Shayxontohur tumanida ham soat 10:00 dan 20:00 gacha to‘rtta yirik iste’molchiga gaz yetkazib berish to‘xtatiladi.

Uchtepa tumanidagi “Foziltepa”, “Ko‘ksaroy”, “O‘rikzor” va “Zarafshon” mahallalarida gaz 10:00 dan 20:00 gacha o‘chiriladi. Bu yerda 2 450 ta xususiy uy, 47 ta ko‘p qavatli uy va 256 ta yirik iste’molchi ta’sir ko‘radi.

Yashnobod tumanida soat 10:00 dan 18:00 gacha Maxtumquli ko‘chasida gaz bo‘lmaydi. Bu yerda 950 ta xususiy uy, 35 ta ko‘p qavatli uy va 10 ta yirik iste’molchi gazsiz qoladi.

Ta’mirlash ishlari tugagach gaz ta’minoti tiklanadi.

Nodirbek Razzokov

«ZAMIN.UZ» muharriri