Pekin shahrida O‘zbekiston Prezidenti Shavkat Mirziyoyev hamda Xitoy Raisi Si Szinpin o‘rtasidagi muzokaralar nihoyasida bir qator muhim hujjatlar imzolandi. Bu haqda Uz24.uz xabar berdi.
Imzolangan hujjatlar orasida “O‘zbekiston – 2030” strategiyasini Xitoyning “Bir makon, bir yo‘l” tashabbusi bilan bog‘laydigan hamkorlik dasturi, madaniyat markazlarini tashkil etish bo‘yicha kelishuv va tibbiyot sohasidagi hamkorlik bitimi alohida e’tiborga molik.
Shuningdek, texnik-iqtisodiy loyihalar, qishloq xo‘jaligi mahsulotlari eksportida fitosanitariya qoidalari, kosmik texnologiyalar, raqamli iqtisodiyot, inson resurslari va raqobat siyosati kabi yo‘nalishlarda ham anglashuvga erishildi. Samarqand va Tyanszin o‘rtasida hamkorlik aloqalari yo‘lga qo‘yilishi rejalashtirilmoqda.
Bu hujjatlar ikki mamlakat o‘rtasidagi strategik hamkorlikni chuqurlashtiradi va ko‘plab yangi imkoniyatlar yaratadi. Sizningcha, bu hamkorlikdan kim ko‘proq yutadi — O‘zbekistonmi yoki Xitoy?
“Zamin”ni Telegramʻda oʻqing!
