15-sentyabr kuni O‘zbekistonda yomg‘ir va shamol kutilmoqda

Gidrometeorologiya xizmati agentligi ma’lumotiga ko‘ra, bugun kunduzi Buxoro va Navoiy viloyatlarida, kechqurun esa Toshkent, Samarqand, Jizzax va Sirdaryo viloyatlarida qisqa muddatli yomg‘ir yog‘ishi, ayrim joylarda chaqmoq kuzatilishi mumkin. Qolgan hududlarda havo quruq bo‘ladi. Shamol 7–12 m/s, ayrim joylarda 13–18 m/s gacha kuchayishi va changli shamol kuzatilishi ehtimoldan xoli emas. Harorat 25–30° atrofida.

Poytaxtda kechqurun qisqa muddatli yomg‘ir ehtimoli bor. Shamol 3–8 m/s, ba’zi paytlarda 10–12 m/s gacha kuchayishi mumkin. Harorat 27–29°.

Tog‘li hududlarda ayrim joylarda yomg‘ir yog‘ishi kutilmoqda. Shamol 7–12 m/s, ayrim paytlarda 13–18 m/s gacha. Harorat 20–25° daraja bo‘ladi.