Farg'onada 40 mln dollarlik loyihalar boshlanadi

Qo'shtepa tumanida jami 40 million dollarlik to‘qqizta investitsiya loyihasi amalga oshirilishi rejalashtirilmoqda, deb Kursiv.media xabar berdi.

Loyihalar qurilish, meva-sabzavotlarni qayta ishlash va sanoat sohalarida amalga oshiriladi. Ular xorijlik tadbirkorlar tomonidan taklif qilingan.

Bu loyihalar tufayli 1200 ta ish o‘rni yaratilishi kutilmoqda. Moliyalashtirish tadbirkorlarning shaxsiy mablag‘lari va xorijiy investitsiyalar hisobiga amalga oshiriladi. Barcha loyihalar 2026 yilning yarmigacha ishga tushirilishi rejalashtirilgan.

Farg‘ona viloyati hokimi Xayrullo Bozorov industrial zonalar tadbirkorlar uchun yangi imkoniyatlar yaratib, mintaqalar iqtisodiyoti va raqobatni rivojlantirayotganini ta’kidladi.