O‘zbekistonliklar oktyabr oyini iliq va quyoshli ob-havo bilan boshlaydi, deb Uz24.uz xabar berdi. Dushanba va seshanba kunlari havo asosan iliq va quruq bo‘lib, kunduzgi harorat +28…+33°C atrofida bo‘ladi. Faqat Navoiy viloyati shimolida o‘rtacha yomg‘ir yog‘ishi mumkin.
Chorshanba va payshanba kunlari Moskvadagi antisiklonning janubiy chekkasi O‘zbekiston hududiga kirib keladi. Natijada kuchli g‘arbiy shamollar, chang-to‘zon va yomg‘irlar kuzatilishi mumkin. Harorat keskin pasayadi: kunduz +18…+23°C, tun +8…+13°C, shimolda esa +5°C gacha tushishi ehtimoli bor. Ayrim tog‘ etaklarida ilk qor yog‘ishi ham mumkin.
Juma kuni yomg‘ir asosan Farg‘ona vodiysida yog‘ishi mumkin. Shanba va yakshanba kunlari ob-havo barqarorlashadi, harorat esa asta-sekin ko‘tariladi.
Mutaxassislar oktyabr oyining kuz fasli ekanini inobatga olib, aholiga sog‘lig‘iga e’tiborli bo‘lish va ob-havoga mos kiyinishni tavsiya qilmoqda.
“Zamin”ni Telegramʻda oʻqing!
