O‘zbekistonning 2025 yil yanvar–oktyabr oylariga oid sanoat ko‘rsatkichlari e’lon qilindi. Milliy statistika qo‘mitasi ma’lumotiga ko‘ra, mamlakat korxonalari 10 oy davomida 865,8 trillion so‘mlik mahsulot ishlab chiqargan — bu o‘tgan yilning shu davriga nisbatan 6,7 foiz ko‘p.
Biroq energetika sohasida pasayish kuzatilgan. Tabiiy gaz qazib chiqarish 35,5 milliard kub metrni tashkil etdi — bu 2023 yilga nisbatan 3,5 milliard, o‘tgan yilgi 10 oylik statistikadan esa 1,8 milliard kub metrga kam.
Avtomobil benzini ishlab chiqarish ham sezilarli qisqargan. Joriy yilda 974,7 ming tonna benzin tayyorlangan — o‘tgan yilga qaraganda 131,5 ming tonnaga, 2024 yil 10 oyiga nisbatan esa 118,7 tonnaga kam.
Neft qazib olish 547,3 ming tonnani tashkil etib, bir yilda 54,7 ming tonnaga pasaygani qayd etilgan.
Shu bilan birga, dizel va ko‘mir ishlab chiqarish o‘sishga erishdi. Dizel hajmi 978,1 ming tonnaga yetdi (o‘tgan yil: 877,9 ming tonna). Ko‘mir esa 6,5 million tonnadan oshdi.
Elektr energiyasi ishlab chiqarish 3,8 foizga ko‘tarilib, 69,2 milliard kVt/soatni tashkil etdi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
