O‘zbekistonda yaqin kunlarda geomagnit faollik keskin oshishi kutilmoqda. «Meteonova» ma’lumotlariga ko‘ra, 27 va 28 noyabr kunlari mamlakat hududida «to‘q sariq» darajadagi kuchli magnit bo‘ronlari qayd etiladi.
Bo‘ronning intensivligi 4 magnitudagacha ko‘tarilib, ertalab soat 05:00 dan kechki 17:00 gacha davom etishi aytilmoqda. Keyinroq kuch 3 magnitudaga tushadi, ammo 28 noyabr kuni yana 4 magnitudaga chiqishi prognoz qilingan.
Mutaxassislar aytishicha, bunday faollik ayniqsa yurak-qon tomir, asab tizimi xastaliklari, diabet va bronxial astma bilan og‘riganlar hamda ob-havoga o‘ta sezgir odamlarda holsizlik, bosh og‘rig‘i va qon bosimi o‘zgarishiga sabab bo‘lishi mumkin.
Shifokorlar bunday kunlarda ortiqcha zo‘riqishdan qochish, ko‘proq suv ichish va dam olishni tavsiya qilmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
