O‘zbekistonda elektron sigaretalarga oid qonunchilik keskin kuchaytirildi. 27 noyabr kuni qabul qilingan yangi qonunga ko‘ra, elektron sigaretalarni tayyorlash, saqlash, tashish yoki sotish endi jiddiy jinoyat sifatida baholanadi.
Yangi o‘zgartishlarga binoan, mamlakat hududida muomalasi taqiqlangan tamaki mahsulotlari va nikotin yetkazib beruvchi elektron moslamalarni ishlab chiqarish yoki ularni olib kirish-joylashtirish katta miqdorda amalga oshirilsa, javobgarlik juda qattiq:
— 123,6 mln — 206 mln so‘mgacha jarima,
— 2–3 yil axloq tuzatish ishlari,
— 3–5 yil ozodlikni cheklash,
— yoki 3–5 yilga ozodlikdan mahrum qilish.
Eng muhim jihati — agar shaxs ushbu mahsulotlarni ixtiyoriy ravishda topshirib, aybini tan olsa, u javobgarlikdan ozod etiladi.
Shuningdek, “Alkogol va tamaki mahsulotlarini cheklash to‘g‘risida”gi qonunga ham tuzatishlar kiritilib, elektron sigaretalar va ularning suyuqliklarini aylantirish to‘liq taqiqlandi.
Yangi tartib mamlakatda nikotin moslamalarining tarqalishini cheklash va yoshlar sog‘lig‘ini himoya qilishga qaratilgani aytiladi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
