O‘zgidromet 6–9 dekabr kunlari kuzatilishi kutilgan ob-havo bo‘yicha yangilangan ma’lumotlarni e’lon qildi. Hududlar bo‘yicha havoda o‘zgaruvchanlik saqlanib, ayrim joylarda yomg‘ir qorga aylanishi ehtimoli bor.
Qoraqalpog‘iston va Xorazmda asosan quruq ob-havo kuzatiladi, faqat 7 dekabrda ba’zi joylarda yomg‘ir yog‘ib, qorga aylanishi mumkin. Shamolning tezligi 9 dekabrda kuchayishi ehtimoldan xoli emas. Harorat kechasi 2–9 daraja sovuq, kunduzi 0–8 daraja iliq bo‘ladi.
Buxoro va Navoiyda 6–7 dekabrda yog‘ingarchiliksiz, 8–9 dekabrda esa ayrim joylarda yomg‘ir kuzatilishi mumkin. Kunduzgi harorat 8–13 daraja iliq, 9 dekabrda biroz pasayishi kutilyapti.
Toshkent, Samarqand, Sirdaryo va Jizzax hududlarida 6–7 dekabrda yog‘ingarchilik bo‘lmaydi, 8–9 dekabrda yomg‘ir ehtimoli bor. Kechasi 0–3 daraja iliq, kunduzi 5–13 daraja iliq.
Qashqadaryo va Surxondaryoda 6–7 dekabrda quruq ob-havo saqlanadi. 8–9 dekabrda ayrim joylarda yomg‘ir yog‘adi. Kunduzi 10–17 daraja iliq.
Andijon, Namangan, Farg‘ona vodiysida 8–9 dekabr kunlari yomg‘ir ehtimoli bor. Harorat kunduzi 6–11 daraja iliq, 9 dekabrda 3–8 darajaga tushishi mumkin.
Tog‘li hududlarda yomg‘ir-qor aralash yog‘ingarchilik bo‘lib, 8 dekabrda ayrim maskanlarda kuchli bo‘lishi mumkin. Harorat kechasi 1–12 daraja sovuq, kunduzi 0–3 daraja atrofida bo‘lishi kutilmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
