Toshkent va Namanganda kuchaygan xavf: qor ko‘chishi mumkin

O‘zgidromet 6–9 dekabr kunlari Toshkent va Namangan viloyatlarida qor ko‘chishi ehtimoli yuqori ekanini ma’lum qildi. Kutilayotgan yog‘ingarchilik va haroratning keskin o‘zgarishi tufayli ayrim tog‘li hududlarda xavf darajasi oshgan.

Xususan, quyidagi hududlarda qor ko‘chishi kuzatilishi mumkin:

• Toshkent viloyati — Bo‘stonliq, Ohangaron, Parkent tumanlari (Chotqol tizmasining tog‘ qismi)
• Namangan viloyati — Pop tumani

Mutaxassislar tog‘li hududlarda yashovchi fuqarolar, dam oluvchilar va yo‘lda harakatlanuvchi haydovchilardan yanada ehtiyotkor bo‘lishni so‘ramoqda.

Havo sharoiti tez o‘zgarishi mumkin bo‘lgani bois, ogohlantirishlarga rioya qilish tavsiya etiladi.