O‘zbekistonda oliy, o‘rta maxsus va kasbiy ta’lim muassasalari hamda akademik litseylarda o‘quvchilar uchun qishki ta’til sanasi rasman belgilandi. Bu haqda Oliy ta’lim, fan va innovatsiyalar vazirligi ma’lum qildi.
Yangi tartibga ko‘ra, qishki ta’til 28 dekabrdan boshlanib, 2026 yil 10 yanvarigacha davom etadi. Talabalar o‘z hududlariga erkin borib-kelishi uchun Transport vazirligi, “O‘zbekiston temir yo‘llari” va “Uzbekistan Airways” bilan hamkorlikda qo‘shimcha qulayliklar yaratiladi.
Eng quvonarlisi — 2025 yil 18 dekabrdan 2026 yil 12 yanvarigacha talabalar va o‘quvchilar uchun yo‘l chiptalariga 50 foizlik chegirma amal qiladi. Bu esa ko‘pchilik uchun ta’til safari va oilasiga qaytishni ancha osonlashtiradi.
Yangi qaror talabalarga vaqtni samarali o‘tkazish, dam olish va yangi semestrga shaylanish imkonini berishi kutilmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
