O‘zgidromet 10 dekabr kuniga oid ob-havo prognozi bilan o‘rtoqlashdi. Ma’lumotlarga ko‘ra, mamlakat bo‘ylab nomutanosib iqlim sharoiti kuzatiladi: ba’zi hududlarda yomg‘ir, boshqalarida kuchli shamol va tuman kutilmoqda.
Toshkentda kechasi va ertalab yomg‘ir yog‘ishi mumkin, kunduzi esa havo ochilib, 3–5 daraja iliq bo‘ladi. Shaharda tuman tushishi ehtimoli ham mavjud.
Qoraqalpog‘iston va Xorazmda yog‘ingarchilik kutilmayapti, ammo sharqiy shamol ayrim joylarda 20–22 m/s gacha kuchayishi mumkin. Harorat kechasi 5–10 daraja sovuqqacha tushadi.
Buxoro va Navoiyda ham hudud bo‘ylab shamol kuchayishi ehtimol qilinmoqda. Harorat kunduzi 5–10 daraja iliq bo‘ladi.
Toshkent, Sirdaryo va Jizzaxda ertalab yomg‘ir ehtimoli bor. Kunduzi 1–6 daraja iliq ob-havo kutilmoqda.
Samarqandda ertalab yomg‘ir kuzatilishi mumkin, kunduzi esa 8–13 daraja atrofida iliq havo saqlanadi.
Qashqadaryo va Surxondaryoda yog‘ingarchilik bo‘lmaydi, harorat kunduzi 14–19 darajagacha ko‘tariladi.
Farg‘ona vodiysida (Andijon, Namangan, Farg‘ona) ertalab yomg‘ir yog‘ishi mumkin, havo 0–5 daraja iliq bo‘ladi.
Tog‘li hududlarda esa vaqt-vaqti bilan yomg‘ir va qor yog‘adi, ayrim joylarda kuchli. Harorat 2–7 daraja sovuq bo‘lib turadi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
