O‘zgidromet mamlakat aholisini 10–12 dekabr kunlarida yuzaga kelishi mumkin bo‘lgan havo xavfi haqida ogohlantirdi. Ma’lumotlarga ko‘ra, kuchli yog‘ingarchilik va haroratning tez o‘zgarishi tufayli bir qator tog‘li hududlarda qor ko‘chishi ehtimoli ortadi.
Xususan, Toshkent viloyatining Bo‘stonliq, Ohangaron va Parkent tumanlaridagi Chotqol tog‘ tizmalarida, shuningdek, Namangan viloyatining Pop tumanida xavf darajasi yuqori ekani ma’lum qilindi.
Mutasaddilar tog‘li hududlarda yashovchi aholidan, dam olish maskanlariga chiquvchilardan hamda shu yo‘nalishlarda harakatlanuvchi haydovchilardan maksimal ehtiyotkorlik choralarini ko‘rishni so‘ramoqda.
Ogohlantirishga ko‘ra, hozirgi ob-havo sharoitida har qanday bee’tibor qadam jiddiy oqibatlarga olib kelishi mumkin.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
