Ma’lumotlarga ko‘ra, bugun, 16 yanvar kuni kunduzi hamda shanbaga o‘tar kechasi O‘zbekistonning katta qismida yomg‘ir yog‘ib, keyinchalik qorga aylanadi. Farg‘ona vodiysi viloyatlarida esa yog‘ingarchilik kechqurun boshlanishi kutilmoqda.
17 yanvar, shanba kuni kunduzi respublika bo‘ylab nisbatan barqaror ob-havo saqlanadi. Ayrim joylarda asosan qor yog‘ishi mumkin, biroq uning jadalligi ancha pasayadi. Qoraqalpog‘iston Respublikasi va Xorazm viloyatida esa ushbu kunda, asosan, yog‘ingarchiliksiz ob-havo bo‘lishi prognoz qilinmoqda.
18 yanvar, yakshanba kuni mamlakatning katta qismida yog‘ingarchilik kutilmaydi. Faqat kechasi va ertalab Navoiy, Toshkent, Sirdaryo hamda Farg‘ona vodiysi viloyatlarida ayrim joylarda biroz qor yog‘ishi mumkin.
Harorat bugun kunduzi 5–8 daraja iliq bo‘lsa, shanba va yakshanba kunlari 0–5 daraja iliq atrofida bo‘ladi. Kechalari havo harorati 3 daraja sovuqdan 2 daraja iliqqacha pasayishi mumkin. Ayrim hududlarda tuman tushishi ehtimoli bor. Shamol tezligi 7–12 m/s bo‘lib, 16 yanvar kuni ba’zi joylarda 13–18 m/s gacha kuchayishi mumkin.
Tog‘li hududlarda vaqt-vaqti bilan qor yog‘adi, ayrim joylarda kuchli bo‘lishi ehtimoldan holi emas. Qor ko‘chishi xavfi saqlanib qoladi.
Toshkent shahrida bugun yomg‘ir yog‘ib, kechqurun qorga aylanishi mumkin. Harorat 6–8 daraja iliq bo‘ladi. Shanba kuni kechasi va ertalab yomg‘ir va qor yog‘ishi, tuman tushishi ehtimoli bor. Kunduzi esa vaqti-vaqti bilan biroz qor yog‘adi. Yakshanba kuni ertalab biroz qor kuzatilishi mumkin, kunduzi esa yog‘ingarchilik kutilmaydi.
“Zamin”ni Telegramʻda oʻqing! 
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
