O‘zbekistonda oliy ta’limga qabul qoidalarida yana bir muhim yangilik paydo bo‘ldi: endi ayrim yo‘nalishlarga kirishda B1 darajali chet tili sertifikati ham hisobga olinadi. Hukumatning tegishli qarori bilan ayrim normativ-huquqiy hujjatlarga o‘zgartirish va qo‘shimchalar kiritilgani haqida Adliya vazirligi ma’lum qildi.
Yangi tartibga ko‘ra, fanlar majmuasida chet tili 1-fan sifatida belgilangan ta’lim yo‘nalishlariga qabul endilikda chet tilini bilish bo‘yicha kamida B1 darajadagi milliy yoki xalqaro tan olingan sertifikat asosida amalga oshiriladi.
Shu bilan birga, fanlar majmuasida chet tili mavjud bo‘lgan yo‘nalishlarda sertifikatli abituriyentlarga ball quyidagicha beriladi:
- B1 darajali milliy yoki xalqaro sertifikatga ega abituriyentga — shu fan bo‘yicha maksimal ballning 75 foizi;
- B2 va undan yuqori darajali sertifikatga ega abituriyentga — shu fan bo‘yicha to‘liq maksimal ball.
Ma’lumot o‘rnida: avval mazkur yo‘nalishlarga qabul qilishda kamida B2 darajadagi sertifikat talab etilardi. Endi esa B1 ham “yo‘l ochadi” — ya’ni sertifikat uchun mehnat qilgan abituriyentning yutug‘i bee’tibor qolmaydi.
“Zamin”ni Telegramʻda oʻqing!
