00:48 / 14.06.2016
6 205

Krishtianu Ronaldu dunyoning eng daromadli futbolchisi deb tan olindi

Krishtianu Ronaldu dunyoning eng daromadli futbolchisi deb tan olindi
“Forbes” jurnalining mutaxassislari 2015 yilning 1 iyunidan 2016 yilning 1 iyuniga qadar dunyoda eng ko‘p pul topadigan sportchilarning yangi reytingini e’lon qildi, deya yozadi "Qalampir" nashri

Sportchilar orasida tuziladigan ushbu reytingda tarixda ilk bor futbolchi etakchilik qilmoqda. Ushbu reytingning birinchi pog‘onasini futbol yulduzi Krishtianu Ronaldu egallab turibdi.

“Real Madrid” futbol jamoasida to‘p suruvchi Krishtianu Ronalduning daromadi o‘tgan yilning 1 iyunidan to 2016 yilning 1 iyuniga qadar88 million AQSh dollariga ko‘paygan. Eng qizig‘i, ushbu mablag‘ning 46 million AQSh dollarini, u ftubol ortidan emas, balki turli reklama roliklari, aksiyalar va piar kampaniyalar orqali orttirgan.

“Forbes” e’lon qilgan reytingda Krishtianudan keyingi o‘rinni 1 yilda 81, 4 million AQSh dollari miqdoridagi mablag‘ bilan Lionel Messi egallagan. Jami 100 nafar sportchi kiritilgan ushbu reytingdan bor-yo‘g‘i 2ta ayol o‘rin olgan. Reytingdagi ayollarning biri 40-o‘rinda, ya’ni 28,9 million AQSh dollari miqdoridagi mablag‘ bilan tennischi Serena Uilyams turibdi. 88 o‘rin esa 21,9 million AQSh dollari miqdoridagi mablag‘i bilan yana bir tennischi Mariya Sharapovaga nasib etgan.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Sport » Krishtianu Ronaldu dunyoning eng daromadli futbolchisi deb tan olindi