Samvel Babayan: “Paxtakor”ning mag‘lubiyati? Boshqa jamoalar natijalari haqida gapirmoqchi emasman"
“Buxoro” hamda “Navahor” o‘rtasidagi Superliganing 21-tur o‘yinidan (0:3) so‘ng mehmon jamoa ustozi Samvel Babayan matbuot anjumanida ishtirok etdi.
"Muxlislarimizni g‘alaba bilan tabriklayman. G‘alaba biz uchun juda muhim edi. G‘alabaga munosib o‘ynadik. Ayni damda “Navbahor”ning yangi tarixida sodir bo‘layotgan voqealar hokimimiz xizmatlari deb hisoblayman. Olg‘a harakat qilishda davom etamiz. Biz uchun oddiy o‘yinlar yo‘q, har biriga bor kuchimizni sarf qilamiz.
Bugun “Buxoro” darvozasiga shedevr gollar kirdi, ammo kimnidir alohida ajratib ko‘rsatmoqchi emasman, chunki butun jamoa mehnat qildi".
- Ayni damda uchta frontda harakat qilyapsiz...
- Qaytaraman, biz uchun oddiy o‘yinlar yo‘q, har birida bor kuchimizni ishga solamiz. Bir xil tayyorlanib, raqibni o‘rganamiz.
- “Paxtakor”ning bugungi mag‘lubiyatidan so‘ng “Navbahor”ning chempionlik uchun imkoniyatlari ortdi...
- Men boshqa jamoalar natijalari haqida gapirmoqchi emasman. Bugun yigitlarimizning o‘yini va g‘alabasidan rohat olmoqchiman.
- “Buxoro” o‘yini haqida nima deya olasiz?
- “Buxoro” chaqilmas yong‘oqqa o‘xshaydi. Jamoada standartlarda yaxshi o‘ynaydiganlar bor, biroq biz raqibni yaxshi o‘rganib chiqdik va g‘alabaga erishdik. Keyingi o‘yinlarda ularga omad tilayman.
“Zamin” yangiliklarini “Telegram”da kuzatib boring
