Superliga 21-turidan o‘rin olgan "So‘g‘diyona" - OKMK (1:1) uchrashuvidan so‘ng jizzaxliklar bosh murabbiyi Ivan Boshkovich o‘yindan keyingi matbuot anjumanida ishtirok etdi.
"Qiziqarli o‘yin guvohi bo‘ldik. OKMKga qarshi kechgan o‘yinlarimiz har doim qiziqarli kechmoqda. Raqibimiz ayni damda ikkinchi o‘rinda bormoqda. Biz yaxshi o‘yin namoyish etdik, faqatgina birinchi bo‘limda 2-3ta tezkor qarshi hujumni o‘tkazib yubordik. Yaratgan vaziyatlarimizdan foydalana olmadik. Yakunlovchi pozitsiyalarda oqsadik. Men o‘z futbolchilarimning mahoratiga shubha qilmayman, bugun shunchaki omadimiz kelmadi. Tanaffusdan keyin esa kichik o‘zgarishlarga qo‘l urdik. Taslim bo‘lmadik va oxirigacha kurashdik. O‘yinda deyarli "kambek" qila oldik, ammo urgan golimiz ofsayd tufayli hisobga olinmadi. Yigitlarga rahmat aytdim, ular bugun yaxshi kurashishdi. Oldinda hali 5ta bahs bor. Musobaqa so‘ngiga qadar kurash olib boramiz. Hali hech narsa tugamadi", - dedi Ivan Boshkovich.
- Birinchi bo‘limda jamoangizning o‘yini qovushmagani haqida aytib o‘tdingiz. Markaziy himoyachilar ko‘p xatolarga yo‘l qo‘yishdi. Tanaffusda futbolchilaringizga nima dedingizki, ular maydonga qaytib o‘yinni o‘zgartira olishdi?
- Men futbolchilarimdan sovuqqon bo‘lishlarini talab qilaman. Vertikal paslar orqali o‘ynashimiz kerak. Hamma xato qiladi, bu tabiiy hol. Biz o‘ylagan reja amalga oshdi, futbolchilarim har doim to‘pni oldinga chiziqqa qadar yetkazib bera olishdi. Suhrob Izzatov bugun ko‘p paslar amalga oshirdi. Ikkinchi taymda biroz o‘zgarish qildik, lekin birinchi bo‘limda kamroq xatolarga yo‘l qo‘ydik. Ikkinchi bo‘limda "brak"lar ko‘p bo‘ldi. Tanaffusdan keyin xavfliroq o‘ynadik, xolos. OKMKga qarshi xatoga yo‘l qo‘ymaslik qiyin. Jamoaviy o‘yinimiz o‘sib bormoqda. Futbolchilarim shunday xatolar orqali o‘sishga erishishadi. Bugun maydonda 2-3ta yosh futbolchilar bor edi. Ular yaxshi o‘yin namoyish etishdi va bir ochko qo‘lga kiritishimizga o‘z hissalarini qo‘shishdi. Hali oldinda bahslar bor, bizdan teparoqda joylashgan jamoalar hali ochko yo‘qotishlari aniq. Biz oxirigacha kurashamiz, keyingi mavsumda bundan-da yaxshiroq o‘ynay olishimizga ishonaman. Jamoam kuchayib bormoqda.
- Ikkinchi bo‘limda Yovovich birga-bir vaziyatdan foydalana olmadi va shu vaziyatdan ko‘p o‘tmay uni zaxiraga oldingiz. Vladimirning zaxiraga olinishiga asosiy sabab o‘sha vaziyat bo‘ldimi?
- Yo‘q. Hech qaysi bir murabbiy bor-yo‘g‘i bir vaziyat uchun futbolchini zaxiraga olmaydi. Yovovichning bugun omadi kelmadi. U futbolchilarni yaxshi alday oladi, to‘p bilan faqat oldinga yuradi, lekin bugun biroz omad yetishmadi. Uning o‘rniga maydonga tushgan futbolchilar o‘yinni kuchaytira olishdi. Jamoamizda barcha futbolchilar muhim, faqatgina Doriyev va Yovovich "So‘g‘diyona" yetakchilari deyish noto‘g‘ri. Barcha futbolchilar bir xil mehnat qilishmoqda. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
Turkiya o‘zining birinchi kvant kompyuterini taqdim etdi
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
Metabolizm sekinlashganining belgilari
Husiylar Isroil aviabazasiga gipertovushli raketa bilan zarba berdi
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
Har payshanba jismoniy tarbiya va sport kuni sifatida belgilanadi
