Katanes sogʻligi, faoliyati va Oʻzbekiston MTJdan ketishi haqida gapirdi

^{Foto: OʻFA}
Sloveniyalik murabbiy Srechko Katanes kecha, 22 yanvar knui Oʻzbekiston milliy terma jamoasidagi faoliyatini yakunlagan edi. Murabbiy Sloveniyaning Sportklub saytiga sogʻligi, faoliyati va Oʻzbekiston MTJdan ketishi haqida fikrlarini bildirdi.

Saytning yozishicha, Katanes bilan birga uning yordamchilari Aleks Chex, Nixad Peykovich va Vlado Radmanovich ham jamoadan ketadi. Katanes oʻz intervyusida ikki oycha avval oʻzini juda yaxshi his qilayotgani, hozir ham yomon emas, barchasi joyidaligini ta'kidlagan.

“Ammo, baribir oʻzim istaganimdek emas. Shu bilan birga toʻshakka mixlanib qolganim yoʻq, hali ham sayrga, yurishga chiqaman. Yaratgan egam menga yordam bermoqda. Soʻnggi vaqtlarda men Sloveniya va Xorvatiya orasida koʻp qatnaydigan boʻldim”, – deydi Srechko.

Mutaxassis murabbiylik faoliyatiga toʻxtalib, iste'foga chiqish qarorini faqat oʻzi qabul qilganinni aytib oʻtdi.

"Hayotim davomida faqat boshqalar uchun harakat qilib, oʻzimni fido qilgandekman. Necha marta shartnomani bekor qilishni soʻraganimni bilasizmi? Ammo har safar bu fikrimdan qaytarishgan. Ammo bu – meni ishlashga undaganlarning aybi emas, faqatgina oʻzimning bosh murabbiy sifatidagi mas'uliyatim edi”, – deydi Katanes.

Srechko “futboldagi faoliyatingizga nuqta qoʻydingizmi?” deb berilgan savolga hatto ertaga nima boʻlishini bilmasligini aytib, faoliyatini yakunlaganiga sha'ma qilgan.

Ma'lumot uchun, 61 yoshli Srechko Katanes 2021 yil kuzidan beri Oʻzbekiston milliy terma jamoasini boshqarib kelayotgandi.

Katanes qoʻl ostida Oʻzbekiston terma jamoasi Jahon chempionatiga saralash bosqichida 6 turdan keyin 13 ochko bilan ikkinchi oʻrinda bormoqda. Guruhda 1 va 2-oʻrinlarni olgan jamoalar mundialga toʻgʻridan toʻgʻri yoʻllanmani qoʻlga kiritadi. “Zamin” yangiliklarini “Telegram”da kuzatib boring