Ulugʻbek Asanbayev: "Husanovning "Manchester Siti"ga oʻtishi borasida film tayyorlanyapti"

2 daqiqa o'qish8K
Ulugʻbek Asanbayev: "Husanovning "Manchester Siti"ga oʻtishi borasida film tayyorlanyapti"
Ayni paytda koʻplab klublarimiz Antaliyada oʻquv-mashgʻulot yigʻinlarini olib borishmoqda va nazorat bellashuvlari ham tashkil qilinmoqda.

Kuni kecha “Andijon” Bosniya va Gertsegovina chempioni – “Boras Banya-Luka” jamoasiga qarshi maydonga tushdi. Ushbu uchrashuvni koʻrish uchun stadionga bir qancha futbol mutaxassislari tashrif buyurishdi. Ularning orasida esa Ulugʻbek Asanbayev ham bor edi.

Uni yaxshi bilsangiz kerak, ayniqsa, yaqinda Abduqodir Husanovning “Manchester Siti”ga koʻchib oʻtishida eng birinchi xabar aynan Asanbayevning Husanov va Gvardiola bilan tushgan surati butun dunyoga tarqalgach, ovoza boʻlgandi.

Futbol menejeri sifatida faoliyat yuritayotgan Ulugʻbek Asanbayevning Abduqodirni Yevropaga kelishiga va xususan “Manchester Siti”ga oʻtishida ham xizmati bor.

Fursatdan foydalangan holda “Andijon” – “Boras Banya-Luka” uchrashuvidan keyin Asanbayev bilan qisqacha suhbatda boʻldik.

- Ulugʻbek aka, avvalo “Andijon” ishtirokidagi uchrashuvga baho bersangiz?
- Yigʻin paytida hisobga e'tibor berilmaydi. Asosiysi, chempionat boshlanishiga tayyorgarlik koʻrish qanday ketayotganiga ahamiyat qaratgan ma'qul. Shu bilan birga oʻtgan yilgi va hozirgi “Andijon”ni bir-biriga taqqoslab chiqish kerak boʻladi. Bugungi “Andijon” oldingisiga nisbatan katta oʻsishga erishgan. Bundan keyin ham viloyat rahbariyati, homiylar va muxlislar klubga yanada koʻproq e'tibor qaratishadigan boʻlishsa, “Andijon” tez orada bayroqdor jamoalardan biri darajasiga chiqadi.

- Abduqodir Husanovning transferi boʻyicha juda koʻp gapirildi. Bu xususida nima degan boʻlardingiz?
- Abduqodir Husanov bilan bogʻliq vaziyatga alohida toʻxtalib oʻtmoqchi emasman. Nega deganda, uning “Manchester Siti”ga koʻchib oʻtishi borasida kichik film tayyorlanyapti. Unda hammasi qay tarzda roʻy bergani, bu xususidagi intervyu va mulohazalar bayon etiladi. Muxlislar shuni koʻrib, hammasini oʻzlari bilib oladilar.

- Futbolchimiz debyutini “Chelsi”ga qarshi oʻtkazdi va nimalar boʻlganini hamma koʻrdi. Sizning munosabatingiz qanday?
- Bu - Gvardiola! Uning pullari juda ham koʻp. Shu sabab u nimani istayotgan boʻlsa, shuni amalga oshiraveradi. Futbolchining qandayligini bilish muhim. Gvardiola oxirgi 20 kun davomida tuzukroq tayyorgarlik koʻrmagan futbolchini “Chelsi”dek kuchli raqibga qarshi bahsga qoʻydi. Oʻylaymanki, bir yildan keyin Husanov jahonning eng zoʻr oʻn himoyachilaridan biriga aylanadi.

- Nima deb oʻylaysiz, Husanov orqali endi Gvardiola oʻzbek futbolidan xabardor boʻlib boryaptimi?
- Gvardiola oʻzbek emas, ingliz futbolini zoʻr biladi! Agar u oʻzbek futbolchisining Angliya futboliga mos keladi, degan toʻxtamga kelgan boʻlsa, demak, toʻgʻri qaror qabul qilgan. Xudo nasib qilsa, bu kabi futbolchilarimiz yanada koʻpaysin va ular Angliya, Ispaniya va Yevropadagi yana boshqa kuchli chempionatlarda oʻynasinlar! Buning uchun faqat astoydil ishlash, akademiyalarga kuchli mutaxassislarni jalb etish kerak.

Manba: Sports.uz
Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?