Chexiyaning go‘zal poytaxti Praga shahri bu kunlarda xalqaro dzyudo muhitining markaziga aylangan. “Prague Junior European Cup 2025” musobaqasi start olganidan beri dunyoning to‘rt qit’asidan tashrif buyurgan 32 mamlakat vakillari – jami 428 nafar yosh dzyudochi g‘alaba uchun kuch sinashmoqda.
Ayniqsa, musobaqaning ilk kuni yurtimiz yoshlari uchun faxrli va quvonchli lahzalarga boy bo‘ldi. Kamol Murodov boshchiligidagi terma jamoamiz dzyudochilari erishgan natijalar barcha yurtdoshlarimizni ruhlantirdi.
Shu kuni hamyurtlarimiz o‘zlarining jonkuyarligi va irodasi bilan turnirda 2 ta oltin va 2 ta bronza medaliga sazovor bo‘lishdi. -66 kg vazn toifasida Dishodbek Hamroyev barcha raqiblarini mag‘lub etib, eng yuqori pog‘onaga ko‘tarildi. +78 kg vaznda esa qizlarimiz sharafini munosib himoya qilgan Umida Nig‘matova chempionlikni qo‘lga kiritdi.
Terma jamoamizning yana bir quvonarli natijasi – bronza medallar ham o‘z yo‘lida. -60 kg vaznda Samariddin Qo‘chqorov va -63 kg vaznda Sarvinoz Husanova raqobatli bahslarda irodasini namoyish etdi va pedestalning uchinchi pog‘onasiga chiqdi.
Bunday muvaffaqiyat natijasida, O‘zbekiston yoshlar terma jamoasi umumjamoa hisobida ilk kuniyoq yetakchilikni qo‘lga kiritdi. Bu esa mamlakatimiz dzyudo maktabi uchun yangi motivatsiya va ilhom manbai bo‘lib xizmat qiladi.
Turnirning keyingi kunlari ham qiziqarli va murosasiz o‘tadi. Yurtdoshlarimizdan yana yangi g‘alabalar va yuksak natijalar kutib qolamiz.
Zamin.uz sayti musobaqadagi barcha muhim yangiliklarni tezkor va xolis tarzda yoritishda davom etadi. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
