Konferensiyalar ligasi saralashi so‘nggi bosqichning so‘nggi uchrashuvida Turkiyaning "Istanbul Bashakshehir" klubi "Universitatya Krayova" bilan kuch sinashib, 3:1 hisobida mag‘lubiyatga uchradi (umumiy hisob 5:2).
Terma jamoamiz sardori hisoblangan Eldor Shomurodov o‘yinni asosiy tarkibda boshlab, to‘liq harakat qildi. Abbosbek Fayzullayev esa 63-daqiqada zaxiradan o‘yinga qo‘shildi.
Dastlab bellashuvning 7-daqiqasida Devi Zelke hisobni ochdi. Oradan 2 daqiqa o‘tib esa Aleksandru Chikildeu hisobni tenglashtirishga muvaffaq bo‘ldi. 27-daqiqaga kelib Shtefan Bayaram gol urib, Ruminiya klubini oldinga olib chiqdi. Ikkinchi bo‘limning 81-daqiqasida Stiven Nsimba 3-golni kiritdi va o‘yin taqdirini hal qildi. Ushbu g‘alaba orqali "Universitatya Krayova" Konferensiyalar ligasi guruh bosqich yo‘llanmasini qo‘lga kiritdi.
"Krayova" - "Istanbul Bashakshexir" 3:1
Gollar: Davi Zelke (7, 0:1), Aleksandru Chikildeu (9, 1:1), Stefan Bayaram (27, 2:1), Stiven Nsimba (81, 3:1).
Dastlabki uchrashuv: 2:1
"Krayova": Pavlo Isenko, Oleksandr Romanchuk, Vladimir Skrechu, Yuray Badelj, Karlos Mora, Samuel Teles (Aleksandru Kretsu, 90+3), Tudor Baluta, Aleksandru Chikildeu (Anzor Mekvabishvili, 77), Nikyushor Banku, Assad al-Hamlavi, Stefan Bayaram (Stiven Nsimba, 77).
"Istanbul Bashakshehir": Volkan Babajan, Kristofer Operi, Jerom Opoku, Oseynu Ba, Festi Ebosele, Onur Ergyun (Abbosbek Fayzullayev, 63), Berat Ozdemir (Umut Gyunesh, 63), Migel Krespo (Oliver Kemen, 46), Ivan Brnich (Yusuf Sari, 81), Davi Zelke (Nunu Da Koshta, 73), Eldor Shomurodov.
Ogohlantirish: Tudor Baluta (20), Denis Turuch (47), Yuray Badelj (54), Davi Zelke (54), Eldor Shomurodov (54), Nikyushor Banku (63), Kristofer Operi (80), Umut Gyunesh (90+2).
Chetlatish: Kristofer Operi (80).
