Osiyo kubogi U-23 saralash bosqichida O‘zbekiston yoshlar terma jamoasi maydonga chiqib, Shri-Lanka U-23 jamoasiga qarshi o‘yin o‘tkazdi.
Ravshan Haydarov rahbarligidagi yoshlarimiz keskin ustunlik bilan harakat qilib, 4:0 hisobida yirik g‘alabani qo‘lga kiritishdi. Bu hisob nafaqat uch ochko, balki guruhdagi yetakchilik uchun ham muhim ahamiyat kasb etdi.
Uchrashuvda asosiy qahramonlardan biri Rustam Turdimurodov bo‘ldi. U ikki bor raqib darvozasini ishg‘ol qilib, haqiqiy dubl muallifiga aylandi. Umarali Rahmonaliyev birinchi bo‘lib hisobni ochdi, Sardorbek Bahromov esa jamoaning so‘nggi to‘pini kiritib, ishonchli g‘alabani mustahkamladi.
Bellashuv tafsilotlari quyidagicha:
Osiyo kubogi U-23 saralash. 1-tur
O‘zbekiston U-23 – Shri-Lanka U-23 4:0
Gollar: Umarali Rahmonaliyev (38), Rustam Turdimurodov (41, 54), Sardorbek Bahromov (70).
O‘zbekiston U-23 tarkibi: Edem Nemanov, Zafarmurod Abdirahmatov, Muhammadrasul Abdumajidov, Jahongir O‘rozov, Aziz Xolmurodov, Behruzbek Asqarov, Umarali Rahmonaliyev (Otabek Ahadov, 82), Diyorbek Ortiqboyev (Sardorbek Bahromov, 62), Nodirbek Abdurazzoqov (Oybek O‘rmonjonov, 46), Mahmudjon Mahamadjonov, Rustam Turdimurodov (Samandarbek Mavlonqulov, 62).
Yoshlarimiz ana shunday kuchli start bilan musobaqada o‘z so‘zini ayta olishini namoyish etishdi. Xozirgina boshlangan yo‘ldagi dastlabki g‘alaba ularga yanada katta ishonch bag‘ishlaydi.
“Zamin”ni Telegramʻda oʻqing!
