Toshkent va Dushanbe shaharlarida katta qiziqish bilan o‘tgan «CAFA Nations Cup-2025» turniri o‘z yakuniga yetdi va individual sovrin egalari aniqlandi.
Turnir davomida o‘zining samarali o‘yini bilan ajralib turgan O‘zbekiston milliy jamoasi hujumchisi Igor Sergeev musobaqaning eng yaxshi to‘purari sifatida e’tirof etildi. Uning aniq zarbalari va hal qiluvchi gollari jamoaning muvaffaqiyatli chiqishiga katta hissa qo‘shdi.
Shuningdek, hal qiluvchi finalda g‘alaba goliga mualliflik qilgan Hojiakbar Alijonov eng yaxshi futbolchi sovriniga sazovor bo‘ldi. Uning maydondagi irodasi, tezkorligi va kuchli o‘yini ko‘pchilikning yuragida yorqin taassurot qoldirdi.
Darvozabonlar orasida esa eng ishonchli posbon deb Eron termasi a’zosi Saidpayyam Niyozmand topildi. U turnir davomida ko‘plab xavfli zarbalarni qaytarishga muvaffaq bo‘lib, jamoasi uchun muhim o‘yinlarni olib bordi.
Eslatib o‘tamiz, musobaqaning finalida O‘zbekiston milliy jamoasi Eron bilan tish-tirnoqli bellashuv o‘tkazdi. Asosiy vaqt durang bilan yakunlangan bo‘lsa-da, qo‘shimcha daqiqalarda Alijonovning goli hisobni ochdi va milliy jamoamizga tarixiy g‘alaba olib keldi.
Shu tariqa, O‘zbekiston musobaqa g‘olibi sifatida mamlakatimiz futbol tarixi sahifasiga yana bir yorqin sahifa qo‘shdi, sovrindor futbolchilar esa o‘z mehnatlari bilan millionlab muxlislarning olqishiga sazovor bo‘ldi.
“Zamin”ni Telegramʻda oʻqing!
