“Manchester Siti” jamoasi bosh murabbiyi Xosep Gvardiola Angliya Premer-ligasining to‘rtinchi turidan o‘rin olgan “Manchester Yunayted”ga qarshi bo‘lajak derbi arafasida jamoasi haqida fikr bildirdi.
Taniqli murabbiyning ta’kidlashicha, u klubga qadam qo‘ygan kundan buyon “shaharliklar” ko‘pincha “Yunayted”dan ustun bo‘lib kelmoqda.
— Men “Siti”ga rahbar etib tayinlanganimdan beri biz deyarli har doim “Yunayted”dan kuchliroq bo‘lganmiz. So‘nggi o‘n yilning to‘qqiz yilligini hisoblasak, ko‘plab holatlarda ustunlik biz tomonda bo‘lgan. O‘zaro uchrashuvlarda esa juda ko‘p ochkolarni yig‘ib keldik, — dedi Gvardiola.
Shu bilan birga, murabbiy ehtiyotkorona munosabat bildirishdan ham charchamadi:
— Albatta, “Yunayted” bizga qarshi g‘alaba qozonishi mumkin. Bu futbol va bunday ehtimolni inkor qilib bo‘lmaydi. Biroq biz maydonga chiqib, yutqazishni maqsad qilmaymiz. Bizga ochkolar zarur, ikki mag‘lubiyatdan iborat seriyani to‘xtatish shart. Shuning uchun ham derbidan kamida g‘alaba bilan chiqish juda muhim, — deya qo‘shimcha qildi u.
Eslatib o‘tamiz, “Manchester Siti” va “Manchester Yunayted” o‘rtasidagi katta derbi 14-sentyabr kuni Toshkent vaqti bilan soat 20:30 da start oladi.
Bu uchrashuv futbol muxlislarining eng katta intizorlik bilan kutgan bahslaridan biri bo‘lishi shubhasiz.
“Zamin”ni Telegramʻda oʻqing!
