Toshkent shahrida Osiyo kubogi saralashi oldidan O‘zbekiston hamda Yaponiya futzal milliy jamoalari o‘zaro sinov uchrashuvida to‘qnash keldi.
Bellashuvda Osiyoning to‘rt karra chempioni hisoblangan yapon futzalchilari o‘z ustunligini ko‘rsatishdi va maydonni ishonchli g‘alaba bilan tark etishdi.
Endilikda har ikki terma jamoa qit’a chempionatiga yo‘l olish maqsadida saralash bosqichi o‘yinlariga tayyorlanmoqda. Kunchiqar yurt vakillari 20–24-sentyabr kunlari Dushanbeda Tojikiston, Kambodja va Makaoga qarshi kuch sinashsa, Nodir Eliboyev shogirdlari Bishkekda Qirg‘iziston, Sharqiy Timor hamda Falastinga qarshi maydonga tushishadi.
O‘rtoqlik bahsi tafsilotlari quyidagicha:
O‘zbekiston — Yaponiya 1:4
16-sentyabr, sport majmuasi
Gollar: Husniddin Nishonov (9) — Arai Yusei (4, 36), Uchimura Shunta (8, 24).
O‘zbekiston tarkibi: Abbosbek O‘lmasbekov, Mashrab Odilov (c), Shahzod Sadiyev, Behruz Samiyev, Muzaffar Ahadjonov.
Zaxirada: Shavkat Ibragimov, Abror Ahmedzyanov, Davlat Ibragimov, Ilhom Hamroyev, Akbar Usmonov, Husniddin Nishonov, Elbek To‘lqinov, Eldor Nig‘matov, Muhammadali Husanboyev.
Shu tariqa, O‘zbekiston terma jamoasi uchun Yaponiyaga qarshi o‘yin murakkab o‘tdi. Biroq mazkur bellashuv saralash oldida jamoaga qimmatli tajriba va xulosalar berishi shubhasiz. Endilikda muxlislar e’tibori qit’a chempionati saralash bosqichidagi bahslarga qaratilgan.
“Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing
Mavzuga oid yangiliklar
