"Liverpul" Kloppni qaytarishi mumkin
"Liverpul" Arne Slot boshqaruvida o'tgan olti uchrashuvning beshtasida mag'lub bo'lib, bir marta g'alaba qozondi. Hozircha Slot lavozimida qoladi, biroq natijalar yaxshilanmasa, rahbariyat bosh murabbiyni almashtirish masalasini ko'rib chiqishi mumkin. Bunday holatda klub Yurgen Kloppni qaytarish variantini ham muhokama qilishi ehtimoli bor. Klopp 2015–2024-yillarda "Liverpul"ni boshqargan va Premer-ligaga qaytsa, faqat shu jamoada ishlashini bildirgan.
"Liverpul" jamoasi so‘nggi natijalardan xavotirda. Arne Slot boshqaruvidagi jamoa o‘tgan olti uchrashuvda bitta g‘alaba va beshta mag‘lubiyatga uchradi.
CaughtOffside manbasi IndyKaila News’ga tayanib xabar berishicha, hozircha Slot o‘z lavozimida qoladi. Ammo natijalar yaxshilanmasa, Mersisayd jamoasi rahbariyati bosh murabbiyni almashtirish qarorini ko‘rib chiqishi mumkin.
Manbaga ko‘ra, agarda Slot bilan xayrlashishga to‘g‘ri kelsa, "Liverpul" Yurgen Kloppni qaytarish variantini ham ko‘rib chiqishi ehtimoldan holi emas. Yaqinda Klopp agar Premer-ligada yana ishlasa, faqat "Liverpul"ni boshqarishini ma’lum qilgan edi.
Yurgen Klopp 2015–2024-yillarda "Liverpul"ni boshqargan. Hozirda u "Red Bull" futbol tizimida faoliyat yuritmoqda.
Izohlar 0
…