2026 yilning 27 yanvaridan 7 fevraligacha Indoneziya poytaxti Jakarta shahrida futzal bo‘yicha Osiyo kubogining final bosqich bellashuvlari bo‘lib o‘tadi. Qur’a tashlash marosimi natijalariga ko‘ra, O‘zbekiston terma jamoasi “С” guruhidan joy oldi.
Islom Akbarov shogirdlari guruh bosqichida Yaponiya, Tojikiston va Avstraliya terma jamoalariga qarshi maydonga tushishadi. Bu raqiblarning har biri o‘z qit’asida tajribali va jangovor jamoalar sifatida tanilgan, shu bois bellashuvlar qizg‘in o‘tishi kutilmoqda.
Osiyo kubogi nafaqat qit’aning eng kuchli jamoasini aniqlaydi, balki 2026 yilgi futzal bo‘yicha Jahon chempionatiga yo‘llanma beruvchi musobaqa sifatida ham katta ahamiyat kasb etadi. Shunday ekan, har bir o‘yinning natijasi hal qiluvchi ahamiyatga ega bo‘ladi.
Final bosqich bahslari Jakarta shahridagi ikki yirik arenalarda o‘tkaziladi — “Indoneziya Arena” (sig‘imi 16 500 tomoshabin) va “Gelora Bang Karno” (sig‘imi 7166 o‘rin). Guruh bosqichida birinchi va ikkinchi o‘rinni qo‘lga kiritgan jamoalar nimchorak finalga yo‘l olib, keyingi bosqichlarda Olimpiya tizimi bo‘yicha chempionlik uchun kurashni davom ettiradi.
O‘zbekiston terma jamoasi so‘nggi yillarda Osiyodagi yetakchi jamoalardan biri sifatida e’tirof etilmoqda. Murabbiylar shtabi jamoani texnik jihatdan yetuk va jangovor ruhda tayyorlayotgani aytiladi. Bosh murabbiyning fikricha, maqsad — faqat ishtirok etish emas, balki jahon chempionatiga chiqish uchun yo‘llanma qo‘lga kiritish.
“Zamin”ni Telegramʻda oʻqing!
