Ayollar o‘rtasidagi nufuzli Osiyo Chempionlar ligasining guruh bahslari qiziqarli va murosasiz o‘yinlar bilan yakunlandi. Turnirning "B" guruhidan joy olgan O‘zbekiston sharafini himoya qilayotgan Qarshining "Nasaf" ("Sevinch") jamoasi ikkinchi o‘rinni egallab, tarixiy yutuqqa — chorak final chiptasini qo‘lga kiritdi.
Guruhdagi munosib o‘yin
Qarshi klubi uchta tur davomida munosib o‘yin namoyish etib, 1 g‘alaba, 1 durang va 1 mag‘lubiyatni o‘z hisobiga yozib qo‘ydi. Jamoa ushbu natijalar bilan 4 ochko to‘pladi va guruhdan chiqdi. "B" guruhini yetakchi sifatida esa Xitoyning kuchli "Vuhan" klubi 7 ochko bilan yakunladi.
"B" guruhidagi so‘nggi natijalar quyidagicha ko‘rinish oldi:
"Vuhan" (Xitoy) — 3 o‘yin, 7 ochko
"Nasaf" (O‘zbekiston) — 3 o‘yin, 4 ochko (Keyingi bosqichga yo‘llanma)
"Ist Bengal" (Hindiston) — 3 o‘yin, 3 ochko
"Bam Xatun" (Eron) — 3 o‘yin, 3 ochko
"Nasaf" 3- va 4- o‘rinlarni egallagan jamoalardan bor-yo‘g‘i bir ochkoga ustun kelib, o‘z o‘rnini mustahkamlashga muvaffaq bo‘ldi va Osiyoning eng kuchli sakkizta jamoasi qatoridan joy oldi. Muxlislar endilikda "Nasaf"ning chorak finaldagi o‘yinlarini intiqlik bilan kutib qoladilar. O‘zbek ayollari futboli xalqaro maydondagi muvaffaqiyatli odimlarini davom ettirmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
