Chelsi bosh murabbiyi Enso Mareska "Arsenal"ga qarshi o'yinda Moises Kaysedoning qizil kartochka bilan maydondan chetlatilishi bo'yicha hakam qaroriga o'z munosabatini bildirdi. Qizil kartochka o'yinning 38-daqiqasida VAR aralashuvidan so'ng ko'rsatilgan edi.
"Qizil — bu qizil, men buni tan olaman. Ammo nega turli epizodlar turlicha baholanadi, tushunish qiyin.
Bentankurning Jeymsga qilgan qo'pol harakati haqida nima deyish mumkin? Nega u yerda qizil kartochka emas, lekin bu yerda qizil?
Bugungi vaziyatda qizil to'g'ri qaror edi, bu aniq. Ammo o'sha vaziyatdan nimasi bilan farq qiladi?
Shunday bo'lsa-da, Kaysedo har doim faqat g'alaba qozonishni maqsad qiladi", - dedi Mareska Sky Sportsga. Birinchi bo'limda o'yinchisi chetlatilganiga qaramay, "Chelsi" "Arsenal" bilan 1:1 hisobida durang o'ynadi.
Mehmon guruhidagi foydalanuvchilar ushbu nashrga izoh qoldira olmaydi.
