Chempionlar ligasining 6-turidan o‘rin olgan yana bir uchrashuv futbol muxlislari uchun kuchli emotsiyalar va kutilmagan burilishlarga boy bo‘ldi. Safarda “Qorabog‘” mehmoni bo‘lgan “Ayaks” katta iroda va hujumkor o‘yin namoyish etgan holda 4:2 hisobida zafar quchdi va musobaqadagi birinchi g‘alabasini qo‘lga kiritdi.
Uchrashuv boshida "Qorabog‘" ustunlik qildi
Bellashuvning 10-daqiqasida Kamilo Duran maydon mehmonlari darvozasini ishg‘ol qilib, Ozarbayjon jamoasiga erta gol bag‘ishladi. Uning o‘tkir zarbasi “Ayaks” mudofaasini hushyor tutishga majbur qildi.
Biroq, taym yakunlanishiga yaqin Kasper Dolberg to‘pni darvozaga yo‘llab hisobni tenglashtirdi va Amsterdam klubiga o‘yinga qaytish imkonini berdi.
Ikkinchi bo‘limda yana keskin burilish
Ikkinchi bo‘lim boshlanganiga hali ko‘p bo‘lmay, “Qorabog‘” yana hisobda oldinga chiqib oldi. Bu safargi muallif — Mateus Silva bo‘ldi. Uning aniq zarbasi stadiondagi muxlislarni yana bir bor quvontirdi.
Biroq “Ayaks” bu vaziyatga taslim bo‘lmadi. Amsterdamliklar uchrashuvning so‘nggi qismida to‘liq ustunlikni o‘z qo‘liga oldi va bir necha daqiqalar ichida uchta gol kiritdi.
79-daqiqada Oskar Glux hisobni tenglashtirdi, 83-daqiqada Anton Goey jamoasini oldinga olib chiqdi, 90-daqiqada esa Glux o‘zining dublini rasmiylashtirib, o‘yinga nuqta qo‘ydi.
O‘yin protokoli
YECHL. 6-tur
Qorabog‘ — Ayaks 2:4
Gollar: Duran (10), Silva (47) – Dolberg (39), Glux (79, 90), Goey (83)
Qorabog‘: Koxalski, Mustafozoda, Medina, Jafarguliyev (Bayramov, 86), Silva (Bolt, 86), Yankovich, Bikalyu (Montiyel, 87), Adday, Zubir, Andrade (Oxunzoda, 59), Duran (Kashchuk, 70).
Ayaks: Yarosh, Rosa, Goey, Itakura (Reger, 65), Moro (Godts, 76), Dolberg, Glux, Baas, Mokio (Fits-Djim, 84), Bauvman, Steur (Klassen, 76).
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
