Union Koʻln safarida so'nggi daqiqada g'alaba qozondi

02:49 / 21.12.2025·76·Sport

Qisqacha

Union Berlin Germaniya Bundesligasining 15-turida safarda Koʻlni 0:1 hisobida mag'lub etdi. Uchrashuvdagi yagona gol qo'shib berilgan vaqtning birinchi daqiqasida Andrash Shefer tomonidan uzoq masofadan kiritildi. Koʻln 83-daqiqada Ravu van den Berg chetlatilgach, o'yinni 10 kishi bo'lib yakunladi. G'alabadan so'ng Union turnir jadvalida 8-o'ringa ko'tarildi, Koʻln esa 11-o'rinda qoldi.

Germaniya Bundesligasining 15-turida Koʻln o'z maydonida Union Berlinni qabul qildi. Mezbonlar to'p nazoratida ustun bo'lganiga qaramay, uchrashuv davomida xavfli vaziyatlar ko'p kuzatilmadi, zarbalar esa har ikki jamoada ham sanoqli bo'ldi.

Ikkinchi bo'lim o'rtalarida birinchi jiddiy epizod yuz berdi: burchakdan uzatilgan to'pdan so'ng Leopold Kverfeld bosh bilan darvoza tomon yo'llagan zarbani darvozabon qaytardi. 83-daqiqada Koʻln 10 kishi bo'lib qoldi: Ravu van den Berg hujumni to'xtatish uchun to'pni qo'l bilan ushlab qoldi va maydondan chetlatildi.

Qo'shib berilgan birinchi daqiqada Unionning burchak to'pi kutilganidek chiqmagan bo'lsa-da, epizod davomida Andrash Shefer uzoq masofadan aniq zarba berib hisobni ochdi. Natijada Union Berlin 0:1 hisobida g'alabani ilib ketdi.

Ushbu natijadan so'ng Union turnir jadvalida 8-o'rinda bormoqda, Koʻln esa 11-pog'onada qoldi.