"Roma" bosh murabbiyi Jan Pyero Gasperini A Seriyaning 18-turi doirasida "Atalanta"ga qarshi o'yinda jamoasi raqibdan kam o'ynamaganini ta'kidladi. Bu haqda euro-football.ru xabar beradi.
Bergamodagi uchrashuvda mezbonlar 1:0 hisobida g'alaba qozondi. Gasperini "Atalanta"ning kuchli tomonlarini e'tirof etar ekan, "Roma"ning ko'rsatgan o'yinini ham alohida qayd etdi.
"Har qanday holatda ham men yaratgan vaziyatlarimizdan mamnunman. Qattiq va kuchli 'Atalanta'ga qarshi o'ynash oson emas, ammo biz raqibdan ojiz ko'rinmadik", — deya mutaxassis so'zlarini Sky Sport Italia keltirdi.
Murabbiy "Roma" o'tkazib yuborgan golni alamli deb atadi, chunki buning oldidan mehmonlar hisobni ochish uchun kamida ikki bor yaxshi imkoniyatga ega bo'lgan.
Ushbu natijadan so'ng "Roma" 33 ochko bilan beshinchi o'rinda qoldi. "Atalanta" esa sakkizinchi pog'onaga ko'tarildi.
“Zamin”ni Telegramʻda oʻqing!
