23 yoshgacha bo‘lgan futbolchilar o‘rtasidagi Osiyo kubogida hal qiluvchi — chorakfinal bahslari qizg‘in davom etmoqda. Ravshan Haydarov bosh murabbiyligidagi O‘zbekiston yoshlar terma jamoasi yarimfinal ostonasida Xitoy U-23 jamoasiga qarshi maydonga tushdi va juda qattiq, asabni sinagan bellashuv guvohi bo‘ldik.
Uchrashuvning asosiy 90 daqiqasida ham, qo‘shimcha bo‘limlarda ham hisob ochilmadi — 0:0. Ikki jamoa ham ehtiyotkorlikni birinchi o‘ringa qo‘ydi: O‘zbekiston jamoasi tartibli himoya va tezkor o‘tishlar bilan imkoniyat izlagan bo‘lsa, xitoyliklar to‘p nazorati va pozitsion hujumlar orqali bosimni oshirishga urindi. Biroq, darvoza oldida hal qiluvchi zarba va so‘nggi nuqta yetmay qoldi.
Taqdir penaltilar seriyasiga ko‘chdi. Bu yerda esa omad xitoyliklarga kulib boqdi: seriyada Xitoy U-23 4:2 hisobida ustun kelib, yarimfinal yo‘llanmasini qo‘lga kiritdi. Shunday qilib, Xitoy yoshlar jamoasi yarimfinaldagi uchinchi ishtirokchiga aylandi va endi final sari yo‘lda Vetnamga qarshi kuch sinashadi.
O‘yin davomida ham, ogohlantirishlar bo‘yicha ham kurash keskin kechdi: Sardor Bahromov 44-daqiqada, xitoyliklar safida esa X-u Bin (49), Vang Yudong (51) va Yang Xaoyu (79) sariq kartochka oldi. Qisqasi, maydonda “hech kim ortga chekinmaydi” degan kayfiyat hukm surdi, lekin futbol ba’zan shunday: qancha harakat qilsang ham, baribir bir nuqtada lotereyaga o‘xshab qoladi.
U-23 Osiyo Kubogi. Chorakfinal
O‘zbekiston — Xitoy 0:0 (pen.ser 2:4)
O‘zbekiston: Muratbayev, Hamidov, Rizaqulov, Xayrullayev, Bahromov, Saidnurullayev, Jumayev, To‘lqinbekov, Karimov, Saidov, Abdullayev.
Zaxira: 1. Maksim Murkayev, 3. Dilshod Murtazayev, 5. Ozodbek Ergashov, 8. Muhammadali Reyimov, 12. Umar Rustamov, 13. Islom Anvarov, 15. Meyirbek Rejabaliyev, 18. Shoxjaxon Yorqinboyev, 19. Muhammad-Bobur Karimov.
Xitoy U-23: 16. Li Xao, 2. X-u Xetao, 3. Xe Yiran (5. Liu Xaofan, 90+4), 4. Vumitijiang Yusupu, 6. X-u Bin (21. Bao Shengxin, 79), 8. Mutalifu Yimingkari (13. Vang Baxao, 66), 9. Baixelamu Abuduvali (7. Xiang Yuvang, 66), 10. Vang Yudong (11. Kuai Jiven, 99), 15. Peng Xiao, 20. Li Zenxuan (14. Yang Xaoyu, 66), 23. Yang Aleks.
Zaxira: 1. Luan Yi, 12. Xuo Shenping, 17. Bao Shimeng, 18. Chen Zeshi, 19. Zang Aixui, 22. Mao Veije.
Ogohlantirish: Sardor Bahromov (O‘zbekiston) 44, X-u Bin (Xitoy) 49, Vang Yudong (Xitoy) 51, Yang Xaoyu (Xitoy) 79.
“Zamin”ni Telegramʻda oʻqing!
