Germaniya terma jamoasining sobiq hujumchisi Miroslav Kloze Jahon chempionatlaridagi gollar rekordi yaqin yillarda baribir yangilanishini aytdi. Bu haqda euro-football.ru xabar beradi.
Kloze to'rtta mundialda ishtirok etib, jami 16 bor raqib darvozasini ishg'ol qilgan. Hozirda faol futbolchilar orasida unga eng yaqinlar — Lionel Messi (13 gol) va Kiliyan Mbappe (12 gol).
Bild keltirgan iqtibosda Kloze rekordi tez orada qulashiga ishonishini ta'kidladi: u buni Messi 2026 yilda amalga oshirishi mumkinligini, Mbappe esa 2026 yoki 2030 yillarda bu marraga yetishi ehtimolini yuqori baholadi. Shuningdek, u Messining muxlisi ekanini aytib, faoliyatini davom ettirsa omad tiladi, Mbappening iste'dodini ham alohida qayd etdi. Kloze ikki futbolchi sog' bo'lib, eng yuqori saviyasini ko'rsatishini istashini bildirdi va baribir o'zida hali ham eng yaxshi statistika borligini, eng muhimi esa mundialda to'rt marta yarim finalgacha yetib borgan yagona futbolchi ekanini eslatdi.
Messi 2022 yil Qatar mundialida chempion bo'lgan, Mbappe 2018 yil Rossiyadagi turnirda kubokni qo'lga kiritgan. Kloze esa 2014 yil Braziliyada o'z terma jamoasi bilan dunyo chempionligini nishonlagan.
“Zamin”ni Telegramʻda oʻqing!
