Eks-hujumchi Dmitriy Bulykin PSJ darvozaboni Matvey Safonovning YChLdagi «Monako»ga qarshi ilk pley-off uchrashuvida maydonga tushishi masalasiga munosabat bildirdi. Bu haqda euro-football.ru xabar beradi.
Bulykinning aytishicha, ba'zan darvozabon xatoga yo'l qo'ysa ham, murabbiylar uni baribir asosiy tarkibda qoldirishi mumkin, shu sababli bu borada oldindan aniq gapirish qiyin. Shu bilan birga, Safonovning ketma-ket to'rt-besh o'yindan beri asosiy tarkibda tushayotgani ijobiy signal ekani ta'kidlandi.
U, shuningdek, Chempionlar ligasidagi bahslar mahalliy chempionat o'yinlaridan ancha muhimroq ekanini qayd etdi: Liga 1da omadsizlik bo'lsa ham, keyin vaziyatni to'g'rilash uchun imkoniyat ko'proq bo'ladi.
Eslatib o'tamiz, Safonov PSJ safidagi so'nggi uchrashuvda uchta gol o'tkazib yubordi. Dam olish kunlari parijliklar Liga 1 doirasida «Renn»ga qarshi o'ynab, 1:3 hisobida mag'lub bo'lishdi.
«Monako» – «PSJ» o'yini Yevropa Chempionlar ligasi pley-offidagi ilk uchrashuv sifatida seshanba, 17-fevral kuni bo'lib o'tadi.
“Zamin”ni Telegramʻda oʻqing!
